إعذروني…….بعترف!

عذروني…….بعترف!

أصدقائي الأعزاء
راح أعترف لكم اعتراف خطير. أنا إنسان محبط ودايما حزين. كل ما حاولت أصلح من نفسي فشلت. ومثل ما يقولون (وين ماطقها عوية). أحس بأن مالي حظ في أي شي. وبالرغم من إني أنصح الناس بالإيجابية من سنين إلا إني لازلت إنسان سلبي. أحس في بعض الأحيان بأن المجتمع مو مستفيد مني إلا بالإسم. ويمكن حتى الإسم مو مستفيد منه. باختصار…… أنا إنسان عديم فائده ولا أستحق الحياة.

اللي قريتوه فوق. كان فعلا تفكيري قبل ما أصحى من الكابوس اللي كنت عايشه قبل ٨ سنين. كنت أكرر على نفسي هالكلمات. فاشل. حزين. مالي حظ. سلبي. لا أستحق الحياة …… طيب لمتى؟ راح تموت وانت فاشل إذا ما غيرت من نفسك. وفعلا…. بديت طريقي نحو الإيجابية. وصممت إني أشتغل وأشتغل وأشتغل عشان أشيل هالأفكار. ونجحت. غيرت كل شي. الكتب اللي أقراها. البرامج اللي أشاهدها. صرت ما أحط اهتمام لأي صديق سلبي ومثبط. وبعض الأحيان أضطر أبتعد عنهم. آمنت بقدراتي.
لكن هذا بعد مو كافي. عشان تنجح لازم تساعد الناس إنها تنجح. وتعمل بقاعدة win win. تاخذ بيدهم وتعلمهم وتنصحهم وتوجههم وكأنك تتعامل مع نفسك. طور مجتمعك وناسك. وتذكر بأنك مهما وصلت من العلم والمعرفة فأنت لازلت تحتاج تتعلم. بعض المواقف واللحظات تعلمك. كل يوم تعلمك المواقف شي. اجلس في نهاية اليوم واسترجع شريط يومك. أكيد راح تلاقي موقف علمك شي. اكتب هالموقف في دفتر واحتفظ فيه. وكل مابين فترة استرجع الصفحات. راح تتعلم من مواقفك أكثر من أي شي.
إكتشفت إن القراءة لأجل القراءة فقط يعني تضييع وقت وخسارة فلوس. لما تجي تقرأ. إقرأ لأجل تتعلم. العام الماضي قرأت رواية (السجينة) مو لجل أتسلى بالقصة الرائعه. لكن عشان أتعلم أن طالما هناك أمل… فالحياة مستمرة. كنت دايما ماخذ فكرة عن اللي يقرون كتب تطوير الذات بأنهم ناس (أتيكيت) ومثقفين. إكتشفت ان مو كل من قرأ كتاب من هالنوع هو فعلا مثقف وحياته ناجحة. إذا ما طبقت ما تقرأه فلا تضيع وقتك وتخسر فلوسك.
لا تعتقد أن الصعود للقمة راح يكون سهل وبين يوم وليلة. الطريق للنجاح مليء بالمصاعب وطويل. وحلاوته بمطباته وطوله. لأن كل ما مشيت في هالطريق راح تمر بمحطات تعلمك.
(إن كنت في وسط أنت الأفضل فيه دائما. فأنت في الوسط الخاطئ). الطعم اللي تحسه كونك الأفضل في كل شي وبشكل دايم في البداية راح يكون طعم لذيذ. لكن بعد فترة ماراح تحس لتميزك طعم. انت محتاج تكون في بيئة فيها تحدي. فيها ناس أفضل منك تحفزك على تحديها والوصول لها بل والفوز عليها. خلي عندك روح التحدي والمنافسة الشريفة. وراح تلاحظ شقد راح تكون (عظيم) في نظرتك لنفسك وفي نظر الناس.

هذي حصيلة خبراتي المتواضعة. ماحبيت أحتفظ فيها لنفسي وحبيت أشارككم فيها لأني مؤمن بأن مشاركة التجارب لها فائدة.

كل عام وأنتم رائعون.

Advertisements

One thought on “إعذروني…….بعترف!

  1. كلام جميل ابو رنا وارى فيك الاصرار والفوز والعزيمة…
    الله يوفقك وقدما للأمام.

لاتبخل علي بتعليق، فأنا مستمر بكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s